“10 fëmijë në ditë amputohen në Gaza”,-organizata Save the Children

Më shumë se 10 fëmijë në ditë, mesatarisht, kanë humbur njërën ose të dyja këmbët në Gaza që nga fillimi i konfliktit tre muaj më parë.

Kjo është raportuar nga Save the Children, duke raportuar në një shënim se që nga 7 tetori, sipas Unicef, më shumë se 1,000 fëmijëve u është amputuar njëra ose të dyja këmbët.

Lufta u nxit pas sulmeve të grupit radikal Hamas më 7 tetor në jug të Gazës, ku Hamasi vrau 1.200 persona dhe mori peng rreth 250 të tjerë.

Për shkak të kundërpërgjigjes izraelite përmes sulmeve nga toka, ajri dhe deti, deri më tani në Rripin e Gazës janë vrarë mbi 22.700 palestinezë dhe janë plagosur mbi 58.000 të tjerë, sipas të dhënave të Ministrisë së Shëndetësisë në Gazën e udhëhequr nga Hamasi. Kjo ministri nuk bën dallimin mes civilëve dhe luftëtarëve të vrarë.

Zyrtarët e shëndetësisë kanë thënë se rreth dy e treta e viktimave ishin gradhe fëmijë. Izraeli fajëson Hamasin për numrin e lartë të civilëve të vrarë, sepse sipas Izraelit, grupi radikal operon në zonat e populluara me civilë.

 LEXONI GJITHASHTU:

• Blinken: Izraeli e ka të qartë, duhet t’i mbrojë civilët në Gaza
• Blinken në takim me presidentin izraelit, vizita e tretë që prej 7 tetorit