English

100 mijë persona të vendeve të treta urdhërohen të largohen nga BE

KOMENTE

SHPERNDAJE
ARTIKULLIN

Text sizeAa Aa

33,450 persona u urdhëruan të largoheshin nga Franca në tremujorin e dytë të 2022.

- Advertisement -

Sipas Zyrës Evropiane për Statistikat, Eurostat, pas Francës, Greqia është vendi i dytë që raportoi numrin më të madh të shtetasve të vendeve të treta të urdhëruara për t’u larguar, me 8,750 raste, e ndjekur nga Gjermania (8,275), Italia (6,020) dhe Austria (5,385)

Vendi që përjetoi rritjen më të lartë për tre muaj ishte Italia, duke u rritur me 1000 për qind krahasuar me tremujorin e mëparshëm

Sipas nacionaliteteve kryesore, shqiptarët (2650) përfaqësojnë numrin më të madh të shtetasve jashtë BE-së që u kthyen në një vend tjetër në tremujorin e dytë të vitit 2022, të ndjekur nga gjeorgjianët (2030), rusët (1.165), turqit (1.055), ukrainasit (840), serbët (800), marokenët (790), algjerianët (745), moldavët (700) dhe irakianë (660).

Krahasuar me të dhënat e vitit 2021, numri i shtetasve nga vendet e treta që u urdhëruan të largoheshin nga BE u rrit me 15 për qind, ndërsa numri i njerëzve që u kthyen në një vend tjetër u rrit me 11 për qind.

Italia shënoi rritjen më të lartë në numrin e personave të urdhëruar të largoheshin.  Shifra për Kroacinë gjithashtu pothuajse u dyfishua për të njëjtën periudhë, duke u rritur nga 2,675 në 4,830.

Për sa i përket vendit të origjinës së njerëzve të urdhëruar të largohen, Algjeria kryeson listën, me 8,170 persona, që përfaqësojnë 8.5 për qind të totalit të njerëzve në këtë kategori, shkruan Euronews. 

Maroku renditet i dyti me 7,235 raste, i ndjekur nga Shqipëria (6,640) dhe Pakistani (6,260), Tunizia (5,630), Bangladeshi (3,990), Gjeorgjia (3,690), Turqia (3,425), India (3,135) dhe Iraku (2,940).

LEXONI GJITHASHTU: 

LEAVE A REPLY

Please enter your comment!
Please enter your name here

Etiketimet

spot_img

TË FUNDIT

spot_img

Sondazh

Kush mendoni se ishte fituesi i debatit të parë presidencial në SHBA?