100 viktima në Somali, dy autobomba shpërthejnë në zemër të kryeqytetit

Dy autobomba shpërthyen në një kryqëzim të populluar në kryeqytetin e Somalisë, Mogadishu, duke vrarë të paktën 100 persona.

Autoritetet vendase deklaruan se mes viktimave të masakrës ka edhe nëna që mbanin në duar fëmijët e tyre.

Presidenti Hassan Sheikh Mohamud kërkoi ndihmë ndërkombëtare për 300 të plagosurit, ndërsa fajësoi grupin terrorist Al Shabab për sulmin.

“Pash shpërthimin e parë dhe u largova. U trondita shumë pasi pak më vonë një tjetër shpërthim ndodhi në të njëjtën zonë. Ka të vdekur dhe të plagosur, por nuk e di me saktësi numrin e viktimave,” – tha Adam Hassan, një dëshmitar.

“Isha në vendin e ngjarjes kur ndodhi shpërthimi i parë. Pash shumë të vdekur, por për fat të mirë unë shpëtova. Uroj që Zoti të mëshirojë viktimat dhe të ndihmojë të lënduarit,” – tregoi Ahmed Abukar, një tjetër dëshmitar.

Al Shabab, një fraksion i Al Kaedës, është angazhuar prej kohësh në një konflikt me qeverinë somaleze. Shpërthimet e së shtunës ndodhën brenda pak minutash njëri nga tjetri, duke shkatërruar ndërtesa dhe automjete që ndodheshin pranë.

LEXONI GJITHASHTU:

• Terroristët pushtojnë një hotel në kryeqytetin e Somalisë 
• Dhjetë viktima, mbi 20 të plagosur në një shpërthim në Bagdad