Të paktën 12 emigrantë kanë humbur jetën në kufirin mes Turqisë dhe Greqisë për shkak të kushteve ekstreme të motit.
Ministri i Brendshëm turk shkroi në Twitter se trupat e gjetur ishin në mesin e 22 emigrantëve që u kthyen në Turqi nga rojet kufitare greke.
Ministri akuzoi njësitë kufitare greke për sjellje “mizore” dhe Bashkimin Evropian për sjellje të butë ndaj Athinës.
Turqia shpesh akuzon Greqinë fqinje se po i kthen ilegalisht emigrantët që duan të hyjnë në Evropë.
Greqia e mohon akuzën.
Turqia është një pikë kalimi kryesore për emigrantët nga Lindja e Mesme, Azia dhe Afrika që kërkojnë një jetë më të mirë në vendet e Bashkimit Evropian.
Shumica përpiqen të kalojnë në Greqi ose duke kaluar kufirin tokësor verilindor ose duke u ngjeshur në anije kontrabandë të drejtuara për në ishujt lindorë të Detit Egje.
LEXONI GJITASHTU: