1200 ndeshje në karrierë, Ronaldo vendos një tjetër rekord

Al Nassr ka lënë pas humbjen me Al Hilal, ndërsa ka fituar sfidën ndaj Riyadh e vlefshme për javën e 15 të Saudi Pro League. Njëri prej golave u shënua nga ylli portugez Ronaldo, 2 nga Talisca dhe një nga Otavio.

Përveç rezultatit, me rëndësi është rekordi i vendosur nga CR7 i cili luajti ndeshjen numër 1200 në karrierën e futbollit profesionist. Portugezi renditet në vendin e katërt sa i përket lojtarëve me më tepër paraqitje në futboll, teksa vendi i parë i takon Shilton.

Edhe pse shkurtin e ardhshëm mbush 39 vjeç, Ronaldo është në një super formë, ndërsa pritet të jetë edhe pjesë e Euro 2024, ku së bashku me Portugalinë e tij, do të provojë të fitojë trofeun. Sulmuesi është golashënuesi më i mirë në ligën arabe me 16 rrjeta të regjistruara, ndërsa ka lënë pas Mitrovic, Benzema apo Talisca.

Në derbin me Riyadh, Ronaldo shënoi në minutën e 33’ teksa u shërbye nga Sadio Mane. Ne limitet e pjesës së parë ishte vetë portugezi që shërbeu për Otavion, me këtë të fundit që e ndali topin në rrjetë. Edhe në fraksionin e dytë, Al Nassr luajti më mirë ku Talisca shënoi për 3-0. Gray ngushtoi diferencën e golave në 3-1, por ishte dhe një herë mesfushori Brazilian që tundi rrjetën, duke vulosur triumfin 4-1.

LEXONI GJITHASHTU:

• Gara për “Këpucën e artë”, Ronaldo në treshen e golashënuesve. Kush kryeson listën
• Pritje spektakolare për Ronaldon, qindra tifozë iranianë në rrugë për yllin portugez