1311 protestues arrestohen në Francë, pezullohet transporti publik

Nata e 4-t e protestave të dhunshme në Francë, kundër vrasjes së një adoleshenti nga policia shënoi shifrën më të lartë të arrestimeve në një ditë të vetme.

Policia dhe forcat speciale kanë arrestuan 1311 manifestues në të gjithë vendin, teksa shumë qytete kishin shpallur të jashtëligjshme tubimet.

Kjo masë megjithatë nuk i pengoi protestuesit e dhunshëm të grumbulloheshin dhe të sulmonin polic e biznese nëpër rrugët e kryeqytetit dhe qyteteve të tjerë të mëdhenj të Francës.

Në mbledhjen e fundit të qeverisë u vendos pezullimi i përkohshëm i transportit publik qytetas, që mjetet të mos binin më pre e dhunës dhe vandalizmave.

Si pasojë e situatë së trazuar në Francë, Presidenti Emmanuel Macron, ka shtyrë një vizitë shtetërore në Gjermani që ishte planifikuar të niste më 2 korrik.

Njëkohësisht Macron akuzoi protestuesit për reagim të tepruar, ndërsa u bëri thirrje prindërve të ndalojnë fëmijët të marrin pjesë në protesta.

Funerali , 17-vjeçarit  të identifikuar vetëm me emrin Nahel, i cili u qëllua nga polica mbahet të shtunën.

LEXONI GJITHASHTU: 

• E propozoi Rama, Kurti refuzon konferencën ndërkombëtare për Kosovën dhe Serbinë
• ‘Lot kurbeti’ në Gjirokastër, grupi shqiptar mban gjallë traditën e këngës në Greqi