15 milionë euro për kartonët jeshilë, çfarë treguan udhëtimet jashtë vendit

Udhëtimet jashtë vendit me makina private tregojnë se këtë vit janë paguar për kartonë jeshilë, 15 mln euro. Pagesa, e cila bëhet në kufij për të siguruar mjetin, tregon se vlera është rritur 43% në krahasim me vitin e kaluar.

Shtimi i udhëtimeve nga shqiptarët jashtë vendit ka çuar në arkën e kompanive të sigurimit 15 milionë euro në 10 muajt e parë të vitit. Të dhënat e mbledhura nga Autoriteti i Mbikëqyrjes Financiare tregojnë se këtë vit vlera e kartonave jeshilë për sigurimin e makinave në territoret jashtë Shqipërisë është rritur me 43%.

Çdo mjet që del nga doganat shqiptare pagaun siguriacion me afat nga 15 ditë deri në 1 vit dhe këtë vit kontratat janë rritur mbbi baznë e këreksave për të udhëtuar jashtë vendit me mjete private.

Ndërkaq i gjithë tregu i sigurimeve ka njohur rritje të fortë gjatë këtij viti. Të dhënat e Autoritetit të Mbikqyrjes Financiare tregojnë se të ardhurat nga primet e shkruara bruto të sigurimit për muajt janar-tetor 2023 kapën vlerën 186 milionë eurove, ose 10% më shumë vitin e kaluar.

Gjatë kësaj peruidhe, numri i kontratave të sigurimit të lidhura arriti në 1,2 milionë me një rritje 11%.

Gjithësesi, janë sigurimet e detyrueshme ato që zënë pjesën dërrmuese të arkëtimeve të kompanive. Parë nga këndvështrimi i ndarjes së tregut sipas llojit të sigurimit, i detyrueshëm dhe vullnetar, primet e shkruara bruto të sigurimit vullnetar zënë 40% dhe primet e shkruara bruto të sigurimit të detyrueshëm zënë 60% të totalit të tregut.

LEXONI GJITHASHTU:

• Shqiptarët e vrarë në Ekuador
• Erdogan: Izraeli duhet të gjykohet për “krime lufte” në Gazë