1500 shkelje të armëpushimit në Ukrainë, Macron bisedon sërish me Putin

Ministri i Brendshëm ukrainas u sulmua me granatë gjatë një vizite në frontin e konfliktit me separatistët, që zhvillohet prej tetë vitesh në Ukrainën Lindore.

Zyrtarët u strehuan në një zonë të mbrojtur para se të largoheshin nga zona.

Më shumë se 1500 shkelje të armëpushimit u raportuan të shtunën në Ukrainën Lindore.

Kështu deklaruan vëzhguesit nga Organizata për Siguri dhe Bashkëpunim në Evropë, OSBE.

Nga ana tjetër, Ministria ruse e Mbrojtjes publikoi imazhet e lëshimit të raketave balistike të kryera gjatë stërvitjes ushtarake.

Përfaqësuesi i Lartë i Bashkimit Europian, Josep Borrell, u shpreh se nuk ka vend për pretendime për një sulm të mundshëm të Rusisë ndaj Ukrainës.

Ndërsa presidenti i Ukrainës, Volodimir Zelenski kërkoi një takim me homologun rus për të zgjidhur konfliktin.

“Unë nuk e di çfarë kërkon presidenti i Rusisë. Për këtë arsye unë propozojë të takohemi”, – u shpreh Zelenski.

Civilët e evakuuar nga rajonet e konfliktit me Ukrainën Lindore janë vendosur në kampet e Ministrisë ruse të Situatave të Emergjencave në brigjet e detit Azov, afër kufirit.

LEXONI GJITHASHTU:

• Putini siguron Macronin se nuk do ta përkeqësojë konfliktin me Ukrainën
• Macron pas takimit me Putin: Ditët në vijim, vendimtare për fatin e Ukrainës