Deklarata vjetore e të Ardhurave për vitin 2024 është plotësuar nga 127 mijë individë. Shifra tregon se 16 mijë të tjerë, ose 10% e të punësuarve, nuk e plotësuan formularin, deri në datën 1 prill.

Por, për këtë grup punonjësish, ka edhe një tolerim të dytë në afate, me thirrjen që u bën Drejtoria e Tatimeve, për ta plotësuar sa më shpejt, në mënyrë që të shmangin gjobën me vlerë 3000 lekë.

Të drejtën për të plotësuar vullnetarisht formularin DIVA, për të ardhurat e vitit të kaluar e kishin 143 mijë individë, ndërsa për vitin 2023 numri ishte afërsisht 74 mijë.

Numri i individëve u dyfishua, pasi kufiri i të ardhurave vjetore bruto, zbriti në 1.2  mln lekë nga 2 mln që ishtr pragu.

Gjithashtu, detyrimin e kishin edhe ata që kanë të ardhura deri 50 mijë lekë të patatuara të fituara nga të ardhurat nga qira ditore të apartamenteve.

Ndërsa, për individët që janë në marrëdhënie punësimi, me më shumë se një punëdhënës, mënyra e plotësimit dhe dorëzimit të Deklaratës Individuale Vjetore të të Ardhurave për vitin 2024 nuk ndryshoi.