Policia e Kosovës gjatë një aksioni për goditjen e kontrabandës në veri të vendit, ka zbuluar një laborator për kultivimin e kanabisit.
- Advertisement -
Ministri i Punëve të Brendshme, Xhelal Sveçla, thotë se aksioni i policisë është ndërmarrë në afërsi të kufirit me Serbinë, përkatësisht në vendin e quajtur Izvor.
Brenda laboratorit, policia gjeti mbi 10 mijë bimë kanabis.
“Në afërsi të kufirit me Serbinë, në vendin Izvor, në veri të Kosovës, policia zbuloi laboratorin e kultivimit të marijuanës me mbi 10.000 fije bimë të gatshme për tu shitur ilegalisht në treg”, shprehet Sveçla.
Ai thotë se përgjatë këtij aksioni zyrtarët e policisë dhe doganave janë gjuajtur me armë zjarri.
