Irani do të lirojë katër aktivistë të akuzuar për spiunazh dhe bashkëpunim me SHBA 

Avokati i katër aktivistëve mjedisorë iranianë, të cilët u dënuan me dhjetë vjet burg në vitin 2018 për spiunazh të dyshuar nga ushtria iraniane, njoftoi sot se ata do të lirohen në ditët në vijim.

Ata u dënuan, përveç akuzës për spiunazh, edhe për gjoja bashkëpunim me qeverinë e Shteteve të Bashkuara të Amerikës, raporton Bloomberg.

Avokati i tyre tha se të katër ishin në mesin e qindra të burgosurve që u falen ose iu reduktuan dënimet përpara fundit të muajit të shenjtë mysliman të Ramazanit.

Së bashku me këtë grup aktivistësh, në vitin 2018 u arrestuan Kavos Seyed Emami, i cili vdiq në burg së fundi pasi u burgos, si dhe Morad Tabaz, i cili u lirua në një shkëmbim pengjesh mes Iranit dhe SHBA-së në shtator të vitit të kaluar.