Përplasen ‘kokë më kokë’ dy automjete në hyrje të Korçës, 1 i plagosur

Një aksident ka ndodhur këtë të hënë në dalje të parkut të qytetit të Korçës.

Burime bëjnë me dije se janë përplasur dy automjete dhe se është dërguar në spital njëri prej drejtuesve.

Në vendngjarje ka mbërriur ambulanca, e cila bëri transportimin e të lënduarit në spital. Bluzat e bardha konfirmojnë se i lënduari ka marrë dëmtime të lehta dhe është jashtë rrezikut për jetën.

Policia ndodhet në vendngjarje për zbardhjen e rrethanave të aksidentit, ku paraprakisht dyshohet lagështia në rrugë.

LEXO GJITHASHTU:

• Atentat me eksploziv në Shkozet, shpërthen një automjet
• Mik i Rrumit të Shijakut, kush ishte objektivi i atentatit me eksploziv në Shkozet