Zbardhet emrat e kandidatëve të PS-së për bashkinë Dibër, në garë dy gra

Pas përfundimit të mbledhjes së Kryesisë së PS-së, drejtuesja Politike e Qarkut Dibër, Belinda Balluku, zbuloi emrat e kandidatëve të Partisë Socialiste për këtë qark.

Ajo që bie në sy është se në Bashkitë Klos dhe Bulqizë kandidate do të jenë dy gra, respektivisht Valbona Kola dhe Festime Mjeshtri.

Në Dibër do të kandidojë kryebashkiaku aktual Rrahim Spahiu, ndërsa në Mat Agron Malaj.

“Kemi vendosur që Dibra të ketë të njëjtën kandidat ashtu sikuse kishte në zgjedhjet e kaluar, zotin Rrahim Spahiu. Do të jetë një listë fituese. Në bashkinë e Matit rikonfirmojmë Agron Malaj, i cili gëzon një mbështetje shumë të madhe. Lista që kemi zgjedhur për këshilltarë është një listë me emra të spikatur që do të ndikojnë në ecurinë e kësaj bashkie. Për sa i përket bashkisë Klosit dua të falenderoj Ilmi Hoxhën, kryetarin aktual i cili do t’ia lërë vendin Valbona Kolës. Për sa i përket Bulqizës kandidojmë kryetaren e PS-së, një grua e nderuar Festime Mjeshtri”, tha Balluku.

QARKU DIBËR

Bashkia Dibër: Rrahim Spahiu

Bashkia Bulqizë: Festime Mjeshtri

Bashkia Klos – Valbona Kola

Bashkia Mat – Agron Malaj

LEXONI GJITHASHTU: 

• Zbardhen emrat e kandidatëve të PS në qarkun e Durrësit (EMRAT)
• Zyrtare, kush janë kandidatët për kryetarë bashkie në qarkun Tiranë
• Damian Gjiknuri zbulon emrat e kandidatëve të PS për qarkun Elbasan