2021 vit më i mirë për kulturën, u shtuan shfaqjet dhe u rritën vizitorët

Viti 2021 tregon që kultura nisi të merrte jetë sërish pas viteve të pandemisë, ku aktivitetet ishin ndaluar.

Institucionet e artit dhe kulturës, kanë prodhuar dhe kanë rivënë 184 shfaqje më shumë krahasuar me vitin 2020, përkatësisht 512.

Por ajo që vihet re është se edhe pse në 2021 masat u letësuan numri i shikuesve ka rënë me 242 persona më pak se në 2020. Numri total i spektatorëve në 2021 ishte rreth 40 mijë.

Viti që lamë pas ishte pozitiv sa i takon shtimit të vizitorëve në muze, kala, apo parqe arkeologjike.

Numri i tyre u dyfishua, çka do të thotë edhe të ardhura më shumë të gjeneruar nga sitet historike. Në 2020, këto objekte u vizituan nga 190 mijë vizitorë dhe në 2021 mbi 423 mijë turistë kanë gjallëruar turizmin kulturor.

Frekuentimi më i lartë në institucionet e trashëgimisë kulturore ishte nga vendasit me 60,2 %.

Një publikim i Instat po ashtu ka studiuar edhe arsimimin në kulturë, ku regjistrimi në fusha të caktuara ka pësuar rënie me duke shënuar një rënie me 1,5 pikë përqindje, krahasuar me vitin e kaluar.

Fusha si  “Arte”, “Shkenca Humane dhe Gjuhët”, “Gazetari dhe Informim”, dhe “Arkitekturë dhe Ndërtim” janë preferuar nga gratë.

LEXONI GJITHASHTU

• Monumenti i kulturës i rrënuar në Kolonjë
• Java kulturore greke, në Tiranë shfaqet ‘Miti i Amazonave’