22 të vdekur nga bombardimet ruse në një stacion treni në Ukrainë

Një sulm me raketë në një stacion treni në Ukrainë ka vrarë 22 persona, thotë Ukraina, në ditën që shënon gjashtë muaj nga fillimi i pushtimit të Moskës.

Pesë nga viktimat e sulmit në qytetin lindor të Chaplyne u dogjën për vdekje në një automjet. Mes viktimave është edhe një djalë 11-vjeçar, shkruan BBC.

Presidenti Volodymyr Zelensky njoftoi sulmin në mes të një takimi të Këshillit të Sigurimit të OKB-së. Ai tha se rreth 50 persona janë lënduar.

Rusia deri më tani nuk ka bërë asnjë koment. Ajo ka mohuar vazhdimisht se ka shënjestruar infrastrukturën civile.

Zelensky tha se mësoi për sulmin në Chaplyne, në rajonin e Dnipropetrovsk, ndërsa po përgatitej të fliste me Këshillin e Sigurimit, duke shtuar: “Kjo është mënyra se si Rusia u përgatit për takimin e Këshillit të Sigurimit të OKB-së”.

“Katër vagonë ​​pasagjerësh janë në flakë tani, numri i viktimave mund të rritet”, vazhdoi ai.

LEXONI GJITHASHTU:

• Sirenat e sulmit ajror ndërprenë një ndeshje futbolli në Ukrainë 
• Krimet e luftës në Ukrainë, drejtësia ndërkombëtare, e mirëpritur por e penguar