3 HEC-e private taksohen 70 mln euro, Rama: Paratë për ata më në nevojë

Qeveria parashikon të vendosë një taksë të jashtëzakonshme prej 33 për qind për prodhuesit privatë të energjisë elektrike që e eksportojnë atë.

Por, jo të gjithë hidrocentralet private do të jenë subjekt i kësaj takse.

“Mos flisni për taksë për të gjithë HEC-et, por taksë për tre prodhuesit e mëdhenj të energjisë, që nuk kanë bërë asgjë për të shitur energjinë me shumëfish. Nuk kemi gjë kundër tyre, por s’mund të nxjerrin fitime marramendëse sepse ju ra fati”, tha Rama.

Të tre këta prodhues kanë shumëfishuar fitimet falë rritjes së çmimeve të energjisë. Qeveria parashikon të arkëtojë 70 milionë euro nga taksa speciale ndaj tyre përgjatë vitit të ardhshëm. Një taksë e ngjashme ka nisur të aplikohet edhe në BE.

LEXONI GJITHASHTU:

• Spahiu zbulon marrëveshjen Rama-Berisha-Meta: Si doli Basha nga skema e tyre
• Rama: Putin ka shkuar në Ukrainë për të gjunjëzuar Perëndimin