3 persona ndërrojnë jetë në një azil në Firence, dyshohet helmimi nga ushqimi

Tre persona kanë vdekur në një shtëpi të të moshuarve në Setignano pranë Firences, në Itali dhe shkaku më i mundshëm i vdekjes është helmimi nga ushqimi, raportojnë sot mediat italiane.

Pesë banorë të shtëpisë u dërguan me urgjencë në spital dy ditë më parë, dy prej të cilëve vdiqën pak kohë më pas, dhe një person tjetër vdiq mëngjesin e sotëm, njoftoi transmetuesi publik RAI.

Shkaku zyrtar i vdekjes ende nuk është bërë i ditur, ndërsa hetimet janë duke u udhëhequr nga prokuroria kompetente në Toskanë, e cila ka urdhëruar kryerjen e autopsisë.

Të gjithë banorët e vdekur të shtëpisë hëngrën një vakt në mensë dhe u shtruan në spital në gjendje shumë të rëndë.

Ata u diagnostikuan me sindromë të rëndë gastrointestinale.

Helmim nga ushqimi është raportuar në tre shtëpi të tjera pleqsh në zonën e Firences, të gjitha në pronësi të grupit Sereni Orizonti, si dhe në një shtëpi në Setignano ku humbën jetën tre banorë.

LEXONI GJITHASHTU:

• Kapen 172 kg kokainë në Itali, 3 shqiptarë të arrestuar/ Roli i tyre
• Çmontohet kupola e re e mafies italiane të Cosa Nostra-s, mbi 180 të arrestuar