30 vjet Prokurime Publike, Rama: Progresi në luftën e korrupsionit i padiskutueshëm

Kryeministri i vendit, Edi Rama, ishte këtë të enjte në aktivitetin e 30-vjetorit të Prokurimit Publik.

Ai theksoi se progresi i vendit tonë në luftën ndaj korrupsionit është i padiskutueshëm dhe se këtë e tregon shumë qartë fakti ku pasqyrat e të dhënave të procedurave të reja të viteve të fundit kanë një dallim shumë të dukshëm me ato të viteve më parë.

“Nuk është një rastësi, por një rezultat i një pune të jashtëzakonshme, ku Agjencia e Prokurimit Publik, falë lidershipit të drejtoreshës së agjencisë dhe skuadrës së saj, ka udhëhequr një proces në të cilin edhe komisioni i prokurimit publik në vitet e fundit është bashkuar, faktikisht, që Shqipëria të jetë një vend, edhe në këtë rajon, që përfaqëson një partner të rëndësishëm siç është Banka Botërore, të jetë një vend lider për integritetin dhe eficiencën e procesit të Prokurimeve Publike.

Ky fakt është nënvizuar qartësisht edhe në raportin e monitorimit të SIGMA-s, e cila e renditi Shqipërinë të parën në Ballkanin Perëndimor me diferencë nga të tjerët për performancën e prokurimit publik, diçka që nuk do të ishte e imagjinueshme jo shumë vite më parë.

Monitorimet e bëra nga institucionet e specializuara që veprojnë për llogari të BE-së nuk janë raporte me të cilat ne ndeshemi gjatë gjithë vitit, që bazohen në perceptime publike apo në anketime shumë të diskutueshme për nga standardet, dhe në fakt bazohen në të dhëna shkencore të pamjaftueshme. Ato janë të bazuara në ekspertizë me integritet shumë të lartë dhe kanë një nivel të vëzhgimit që nxjerr në pah çdo të metë, gjë që është shumë sfiduese”,u shpreh Rama.

LEXONI GJITHASHTU:

• Rama mungon në seancën plenare, shtyhet interpelanca me Shehajn
• Kryeministri Rama viziton Jordaninë, takohet me Mbretin Abdullah II bin Al-Hussein