“31 dhjetori sfidë”, Balluku: Do të ketë kërkesë të lartë për energji

Nata e ndërrimit të viteve për shkak të kërkesës së lartë për energji do të jetë një sfidë për KESH dhe OSHEE.

Zëvendëskryeministrja Belinda Balluku njëherazi edhe Ministrja e Infrastrukturës dhe Energjisë ka inspektuar hidrocentralin e Vaut të Dejës për tu kujtuar të gjithë punonjësve të këtij sektori, se këto ditë festash do të jenë të vështira për tu menaxhuar,.

Ministrja e cilësoi natën e Krishtlindjeve si një sfidë që u përballua me sukses për shkak të kërkesës së lartë për energji, dhe vitin që po lëmë pas si sukses në sektorin e energjisë

Për shkak të krizës energjitike qeveria mendoi edhe aplikimin e fashave, por përmirësimi i situatës hidrike në kaskada bëri që situata të mbetej e pandryshuar me çmimin e energjisë për familjarët edhe bizneset.