33 kg kokainë me bananeve në portin e Durrësit, lihen në burg 3 të arrestuarit

Gjykata e Durrësit ka vendosur arrest ne burg 45 ditë për të tre të arrestuarit lidhur me sasinë prej 33 kg kokainë të kapur 2 ditë më parë në portin e Durrësit.

Në kuadër të operacionit “Again”, u arrestuan shtetasit Petrit Demishaj, Alban Naziraj, Artur Sevdaraj, për veprat penale “Trafikimi i lëndëve narkotike”, “Falsifikim kompjuterik”.

Gjithashtu, u shpall në kërkim Trifon Murataj, 53 vjeç, banues në Tranë, president i kompanisë pritëse të ngarkesës me banane.

Shërbimet e Policisë, bazuar në inteligjencën informative që dispononte Policia e Shtetit, se në një kontenier me ngarkesë bananesh, për llogari të një kompanie në Tiranë, kishte lëndë narkotike, ushtruan kontroll të imtësishëm me qen antidrogë, pavarësisht se skaneri e nxori të pastër ngarkesën me banane.

Nga hetimet dyshohet se këta shtetas, në bashkëpunim me njëri-tjetrin, kanë organizuar trafikimin e 33.5 kg kokainë, nga Ekuadori në drejtim të Portit të Durrësit.

LEXONI GJITHASHTU:

• 3 vite, 1.5 ton kokainë e sekuestruar në portin e Durrësit
• Mbi 33 kg kokainë, arrestohet administratori, në kërkim presidenti i kompanisë