“3500 € ose publikojmë videon”, arrestohen 2 të rinjtë që shantazhonin 63-vjeçarin

Arrestohen dy të rinj të cilët shantazhonin një 63-vjeçar me publikimin e një videoje. Ata i kërkonin 63 vjeçarit shumën prej 3500 eurosh në mënyrë që të mos publikonin videon.

Pas kallëzimit të marrë nga 63-vjeçari, se dy shtetas e kanosnin vazhdimisht dhe i kërkonin para, që të mos i publikonin disa video që ata dispononin, policia ka organizuar punën për kapjen e autorëve, një djalë dhe një vajzë F. F., 23 vjeç, dhe A. H., 24 vjeçe.

Njoftimi i policisë

Si rezultat u kapën dhe u arrestuan shtetasit F. F., 23 vjeç, dhe A. H., 24 vjeçe, të dy banues në Tiranë, për veprën penale “Shtrëngimi me anë të kanosjes ose dhunës për dhënien e pasurisë”.

Nga veprimet hetimore ka rezultuar se 2 të arrestuarit, në mënyrë të vazhdueshme, kanë kanosur 63-vjeçarin dhe i kanë kërkuar atij shumën 3500 euro, që të mos i publikonin disa video që ata dispononin.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

LEXONI GJITHASHTU:

• E rëndë! Plagoset me thikë një 33-vjeçar në Novoselë të Vlorës (emri)
• Rishi Sunak diskuton të ndërmarrë masa më të rrepta kundër duhanit