4 persona gjenden të vdekur pranë një hoteli në Kankun

Katër persona u gjetën të vdekur të hënën pranë një hoteli në Kankun, sipas zyrtarëve meksikanë.

Prokurori i Përgjithshëm i shtetit të Quintana Roo bëri me dije se deri tani 2 persona janë arrestuar si autorë të dyshuar.

Ai tha se dyshohet se janë të angazhuar në shitjen dhe shpërndarjen e lëndëve narkotike, duke shtuar se pamjet nga kamerat lokale të sigurisë dhe puna e përbashkët e autoriteteve lokale ndihmuan në arrestimin e tyre.

Të gjithë të vdekurit janë meksikanë.

Prokuroria konfirmoi më herët të hënën se tre persona ishin gjetur të vdekur dhe një hetim ishte hapur. Më vonë, zyra tha se gjetën një trup të katërt.

Në vitin 2021, qeveria meksikane tha se Garda Kombëtare do të vendoset në Kankun dhe zonën përreth tij pas një rritje të dhunës atje të lidhur me krimin e organizuar, raportoi Reuters.

Ka pasur një sërë incidentesh të dhunshme rreth zonës bregdetare të Karaibeve. Në fillim të vitit 2022, dy persona vdiqën pas të shtënave në një hotel në Playa del Carmen.

LEXONI GJITHASHTU:

• U përplas për vdekje nga kamioni, viktima 32-vjeçari personazh i njohur i Tik-Tok
• Aksident në Librazhd, 2 viktima