42 ditë protestë sot, qytetarët mbajnë fjalimet para Kryeministrisë

Ka nisur protesta në Tiranë në ditën e saj të 42-të. Në nisje të saj është kënduar edhe himni kombëtar nga të gjitë protestuesit.

Gazetari Ardit Hoxha raporton se si ditët e shtunave të shkuara, edhe sot është cilësuar si një protestë kombëtare me pjesmarrjen e diasporës dhe qyteteve të tjera të Shqipërisë.

Mësohet se është pritur me kuriozitet për të parë se si do të vijojë protesta në kushtet kur në të njëjtën kohë po organizohet dhe koncerti i këngëtarit të njohur Kanye West, që do mbahet këtë mbrëmje në “Eagle Stadium”, në Kashar.

Për të garantuar mbarëvajtjen e aktivitetit, Policia e Tiranës ka vendosur kufizime të përkohshme në qarkullimin e automjeteve në zonën përreth autostradës Tiranë-Durrës.

“Eagle Stadium” është ndërtuar në një sipërfaqe prej rreth 65 mijë metra katrorë, në kilometrin e parë të autostradës Tiranë-Durrës, ndërsa për organizimin e eventit qeveria ka akorduar një fond prej 4 milionë eurosh.