420 raste me kancer kolorektal, Shosha: 40% vijnë vonë, shkak edhe mentaliteti

Numri i pacientëve të prekur nga kanceri i zorrës së trashë, po vjen në rritje nga viti në vit.

Kirurgia Lida Shosha jep alarmin se pacientët shkojnë vonë tek mjeku, atëherë kur sëmundja është e pamundur të trajtohet.

Mungesa e specialistëve dhe mentaliteti janë faktorët kryesorë që i çon vonë të sëmurët tek mjeku.

“Shumë pacientë jetojnë në zona rurale që nuk kanë asnjë lloj aksesi në shërbimin shëndetësor. Është fobia që njerëzit kanë ndaj ekzanimeve të zorrës së trashës, është akoma një lloj tabuje”, thotë doktoresha.

Po cilat janë shenjat që shfaq një person i prekur nga kanceri kolorektal.

“Shenjat kryesore janë dhimbjet e barkut, fryrjet e barkut, disa pacientë nuk dalin dot jashtë, disa kanë diarre dhe gjakderdhje, anoreksi, rënie në peshë. Pastaj ka një kategori shumë të vogël që nuk kanë fare simptoma”, shpjegoi Shosha.

Mosha mesatare e pacientëve të prekur nga ky kancer është 59 vjeç, ndërsa ka një incidencë më të shprehur  tek meshkujt. Mjekët referojnë se nuk ka një shkak të përcaktuar për kancerin kolorektal, por sigurisht ai favorizohet edhe nga stili i jetesës.

LEXONI GJITHASHTU:

• Kanceri i mushkërive, mjeku bullgar: Shqipëria ka mungesë të medikamenteve inovative
• Kanceri i mushkërive/ Mjeku: Në Shqipëri s’ka ilaçe, pacientët po lënë trajtimin