Këtë të hënë hynë në territorin shqiptar përmes portit më të madh në vend 4,700 udhëtarë dhe 2,800 automjete.
Kryesisht ata janë emigrantë që jetojnë në shtetin fqinj, Itali dhe që kthehen në atdhe për të kaluar pushimet.
“Çdo vit vij, është toka jonë. Na mungon. Për të bërë pushime dhe për të parë prindërit, se i kemi këtu. Vendin tonë nuk e harrojmë se jemi shqiptarë e Shqipërinë e ka debulesë gjithkush, e sidomos ne që jemi jashtë shtetit”, shprehen ata.
Me qëllim përballimin e fluksit të lëvizjeve dhe përpunimin e shpejtë të pasagjerëve dhe automjeteve, porti po punon me 26 sportele.
Në këto kushte, e vetmja pakënaqësi e udhëtarëve mbeten çmimet.
“Çmimet janë mashalla, e kanë shtrenjtuar shumë. Kam paguar 85 euro. Ç’të them unë, për ne edhe mirë edhe keq”, thanë disa prej tyre.
Muajin që lamë pas 85,000 udhëtarë zgjodhën transportin detar dhe hynë në Shqipëri përmes pikës kufitare të Portit të Durrësit.
Gjithashtu, autoriteti portual përpunoi dokumentacionet për 21,000 mjete në hyrje.
LEXONI GJITHASHTU