Drejt çmimeve ‘OSCAR’, filmi i Bosnje-Hercegovinës ‘Quo vadis, Aida?’, nominuar si filmi i huaji më i mirë

Diversiteti dominon në nominimet për çmimet OSCAR, e kryesisht në kategorinë filmi i huaj më i mirë. Filmat duhet të jenë të prodhuar jashtë Shteteve të Bashkuara të Amerikës dhe duhet të jenë në gjuhë të huaj.

‘Another round’ garon për Danimarkën, një prodhim i regjisorit, Thomas Vinterberg  i nominuar po ashtu për kategorinë Regjisori më i Mirë.

‘Better days’, prodhim nga Hong Kong me regji të Derek Tsang.

Ky film përqendrohet sesi bullizmi në shkollë u bë një fenomen në Kinë. Filmi u bë hit duke fituar gjithsej 230 milion dollarë amerikanë, duke i dhënë famë ndërkombëtare regjisorit të  filmit Tsang.

‘Collective’ është një film nga Rumania me regji të Alexander Nanau. Kjo është hera e parë që një film nga Rumania nominohet në këtë event.

Dokumentari  ‘Collective’ rikthehet në një klub nate në Bukuresh ku dhjetëra persona humbën jetën  si rezultat i kujdesit të dobët spitalor. Filmi nga Alexander Nanau është nominuar gjithashtu si Filmi më i Mirë Dokumentar.

Filmi nga Tunisia ‘The man who sold his skin’ është po ashtu i nominuar në kategorinë Filmi më i Mirë i Huaj.

Filmi tregon  për një refugjat sirian i cili e mbush trupin e tij me tatuazhe të realizuar nga një artist i famshëm. Vepra e gjallë e artit ekspozohet në një muze dhe njerëzit duan të blejnë veprën artistike. Kaouther Ben Hania është regjisorja e filmit.

I nominuar është edhe filmi nga Bosnje Hercegovina ‘Quo vadis, Aida?’ nga regjisorja  Jasmila Zbanić. Filmi  tregon historinë e  një përkthyesi të Kombeve të Bashkuara dhe një ish mësuese e quajtur Aida e cila përpiqet të shpëtojë familjen e saj në kohën kur ushtria e republikës Srpska  pushton Srebrenicën pak para se të kryhej edhe masakra e vitit 1995.

Fituesin e ‘OSCAR’ do ta mësojmë në natën e madhe të së dielës.

LEXONI GJITHASHTU:

• Nominimet për çmimet OSCAR, kryeson filmi ‘Mank’, nata e madhe transmetohet online në 25 prill
• Galeria ekspozon fondin, hapësire për të njohur formimin e artit pamor shqiptar