6 vdekje nga COVID-19 në Kosovë

Gjashtë persona kanë vdekur në Kosovë si pasojë e coronavirusit dhe janë regjistruar 2,033 raste të reja të infektimeve.

Rezultatet dolën pas testimit të 10,087 mostrave. Shkalla e pozitivitetit nga mostrat e marra është 20.15 për qind.

Autoritetet shëndetësore kanë njoftuar edhe se 3,329 persona janë shëruar derisa 32,906 janë raste aktive.

Ministria e Shëndetësisë bën të ditur që nga fillimi i fushatës së vaksinimit janë dhënë mbi 1.7 milionë doza të vaksinës.

Deri më tani, me dy doza të vaksinës janë imunizuar 805,802 persona.

Qytetarët në Kosovë mund të marrin vaksina të kompanive: Pfizer/BioNTech dhe AstraZeneca.

Doza përforcuese e vaksinës mund të merret pas tre muajve të marrjes së dozës së dytë.

LEXONI GJITHASHTU: 

• Opozita e Kosovës kritikon Qeverinë për menaxhimin e pandemisë