60 vjetori i teatrit “Petro Marko”, aktivitete dhe vlerësime për artistët vlonjatë

Kremtohet 60 vjetori i krijimit të teatrit profesionist të Vlorës. Ky jubile i gjen artistët dhe teatrin me një godinë të rikonstruktuar.

Në skenën e teatrit gjithçka foli me ngjyrat festave si një homazh dhe nderim për të gjithë aktorët në vite, u përcollën kujtime dhe vlerësime për aktivitetin e aktorëve që nga kjo skenë bënë jo vetëm histori teatri por dhe atë të kinematografisë shqiptare.

“Hapat e para i kam hedhur këtu, shfaqjen e parë Rruga Budi e kam bërë këtu, pa shkuar nè shkollè, pastaj mbas emërimit erdha nē teatrin e Vlorës dhe kam gjetur padyshim një atmosferë të shkëlqyer artistike”, u shpreh ish-drejtori dhe ish-aktori, Kristaq Skrami.

“Shumë emocione , sepse kur kam hipur në këtë skenë kam qenë 18 vjeç, prisja të isha bashkë mr ish kolegët e mi që nuk jetojnë sot , u ndrittë shpirti, por janë të mëdhenj dhe mbeten të mëdhenj”, tha ish-aktori, Vasillaq Gode.

Ceremonia është mbyllur me vlerësimet “Mirënjohje e qytetit” për aktorë të teatrit në vite.

Teatri profesionist i Vlorës e nisi rrugëtimin me premierën e parë “Fundosja e skuadrës”, me autor dramaturgun rus Korneiçuk dhe e realizuar me mjeshtëri nga regjisori Kujtim Spahivogli, ndërsa në vitin 1999 teatri mori emrin e  shkrimtarit dhe publicistit “Petro Marko”.

LEXONI GJITHASHTU

• Tolka: Aktorët që i kanë bërë ‘furça’ pushtetit, vijuan punën në teatër
• Budina: Duhet të kemi dy teatro, jo të shfrytëzohen interesat mafioze
• Aktorja Tolka: Qeveria synon ndërtimin e kullave dhe pastrimin e parave, jo teatrin