Tolka: Aktorët që i kanë bërë ‘furça’ pushtetit, vijuan punën në teatër

Aktorja Adriana Tolka thotë se artistët e tjerë, të cilët nuk kanë mbrojtur kauzën e Teatrit Kombëtar, kanë mbështetur qeverinë për të ruajtuar vendet e punës, ose për të marrë projekte të reja.

Në emisionin “Good Morning Albanians” në Euronews Albania, Tolka u shpreh se në lidhje me këtë çështje ka një ndërgjegje shumë të ulët qytetare.

“Artistët e tjerë më tepër sillen sikur nuk jetojnë këtu. Ka një ndërgjegje shumë të ulët qytetare. Paraja është shumë e ëmbël, avancimi në karrierë është i ëmbël. Do thoni, nuk vlen për ju? Sigurisht, por njeriu ka edhe dinjitet. Ose kanë heshtur, ose i kanë bërë furçe pushtetit. Të paktën kanë arritur të mbajnë pozicionet e punës ose të marrin projekte”, theksoi ajo.

Ditën e djeshme, dhjetëra persona u grumbulluan para godinës së Strukturës së Posaçme (SPAK), në një protestë që u thirr nga Partia Demokratike për shembjen e Teatrit Kombëtar.

Në protestë morën pjesë aktivistë të Aleancës për Mbrojtjen e Teatrit.

Ata vendosën pankarta para godinës, ku kërkojnë përgjigje nga SPAK në lidhje me çështjen e teatrit ku, sipas tyre, organi i akuzës hesht prej 3 vitesh.

Godina e Teatrit Kombëtar u shemb më 17 maj të vitit 2020 pas një rezistence të gjatë të Aleancës për Mbrojtjen e Teatrit, e cila kundërshtonte prishjen e ndërtesës me argumentin se përbën Trashëgimi Kulturore.

LEXONI GJITHASHTU

• Budina: Duhet të kemi dy teatro, jo të shfrytëzohen interesat mafioze
• Aktorja Tolka: Qeveria synon ndërtimin e kullave dhe pastrimin e parave, jo teatrin
• Protesta e PD para SPAK, të pranishëm aktivistë të Aleancës për Mbrojtjen e Teatrit