7 të vdekur nga zjarri në një godinë banimi në Nice

Shtatë persona, duke përfshirë tre fëmijë, humbën jetën në një zjarr që shpërtheu mbrëmë në një ndërtesë në Nice, njoftoi ministri i Brendshëm francez Gérald Darmanen.

Ai konfirmoi herët në mëngjes se në mesin e viktimave ishin edhe “tre fëmijë”, duke e cilësuar atë si një “tragjedi të tmerrshme”, shkruan e përditshmja “Figaro”.

Christian Estrosi, kryetari i bashkisë së Nicës, i kërkoi ministrit Dermanen që të mobilizojë forcat e sigurisë për të garantuar sigurinë e qytetarëve dhe “të parandalojë ngjarjet e padëshiruara pas zjarrit tragjik”.

Ndërkohë, Prokuroria njoftoi se po shqyrton mundësinë që zjarri në lagjen Mullen të jetë pasojë e një “vepre të mundshme kriminale”.