Banka e Shqipërisë ka publikuar treguesit zyrtarë të kartave të emetuara nga bankat e nivelit të dytë që janë aktualisht në qarkullim në vend. Sipas saj në harkun kohor të një viti, në Shqipëri janë hedhur në përdorim mbi 63 mijë k

arta të reja bankare, duke e çuar numrin total të tyre në 1.433.000, dhe me këto shifra, rritja vjetore mbërrin në 5%.

Një numër i tillë kartash mbulon me shërbime financiare mbi 70% të popullsie, në një kohë që numri i tyre parashikohet të rritet edhe këtë vit.

Sipas të dhënave, të gjitha kartat që qarkullojnë në vend kryejnë më shumë se një funksion, megjithëse ato dominohen tërësisht nga kartat e debitit, funksioni kryesor i të cilave janë kalimi i pagave dhe depozitimi apo tërheqja e parave nëpër bankomate.

Në fund të vitit 2023, rezulton se tregu vendas ka 1.241.000 karta debiti dhe 120 mijë krediti.

Në raport me kartat e debitit, kartat e kreditit janë shumë më fleksibël sa i përket funksioneve dhe mundësive të përdorimit të tyre, por rritja e tyre në treg duket e ngadaltë.

Në fund të vitit të shkuar ka hyrë në fuqi ligji për paisjen e qytetarëve me karta bazike, i cili pritet të rrisë më tej numrin e kartave në qarkullim.

LEXONI GJITHASHTU: 

• “Humbëm njerëzit e dashur” / Mis Ukraina flet për Euronews, tregon makthet e luftës
• Do stërviten trupat e NATO-s, publikohen pamjet nga brenda bazës ajrore të Kuçovës.