“Humbëm njerëzit e dashur” / Mis Ukraina flet për Euronews, tregon makthet e luftës

Njëzet e katër shkurti i vitit 2022 solli në Evropë luftën, për herë të parë që nga Lufta e Dytë Botërore.

Atë ditë, presidenti rus, Vladimir Putin, përmbushi një ambicie që e mohonte: dërgoi mbi 200.000 trupa përtej kufirit me Ukrainën.

Kur kanë kaluar dy vite luftë, Miss Ukraina 2022, Kateryna Bilyk ka dhënë një intervistë për Euronews Albania, ku u shpreh se kanë humbur njerëz të dashur.

Ajo tha se momenti më prekës ka qenë vrasja e kushëririt të saj në moshën 22-vjeç, i cili kishte dalë në luftë kundër Rusisë.

“Vitin e kaluar me 29 dhjetor të 2023 dhe ishte mëngjes ku të gjithë pamë sulmet me dronë dhe bombardimet në Kiev. Shkova direkt në strehim. Mora një taksi dhe shoferi më tha se ishte dita që ai kishte humbur kushëririn e tij. Në momentin që më tregoi historinë qava. Shkova në farmaci për të blerë ilaçe për të pasi ai nuk ishte në gjendje të mirë shëndetësore.

Për mua është dramatike kur përballem me humbjen që njerëzit e tjerë përjetojnë. Fatkeqësisht gjatë luftës kam humbur kushëririn tim që luftonte me forcat e Ukrainës,. U vra nga rusët në moshën 22-vjeçare. Kishte shumë dëshirë të kishte fëmijë”-theksoi ajo.

LEXONI GJITHASHTU: 

• Prokuroria vazhdon hetimet për vrasjen e Liridona Ademajt
• “Në atë shtëpi ka një sekret”, eksperti: Çfarë zbuluan tabulatet e telefonave