‘700 mijë euro’, policia hap tenderin për blerje pistoletash dhe automatikësh

Policia e Shtetit do të harxhojë rreth 700 mijë euro për blerjen e armëve.

Sipas dokumetave të siguruara nga Euronews Albania, blutë kanë nevojë për pistoleta të kalibrit 9 x 19 milimetra dhe armë automatike po të të njëjtin kalibër.

Tenderi është i ndarë në dy lote me rreth 400 mijë euro që do përdoren për blerjne pistoleta dhe 300 mijë për armët automatike.

Ky është një tender i kufizuar në fushën e sigurisë. Dokumentat e tenderit do t’i vihen në dispozicion vetëm operatorëve ekonomikë të interesuar me anë të paraqitjes së një kërkese me shkrim pranë policisë së shtetit.

Autoriteti kontraktor fton jo më pak se 3 kandidatë, duke garantuar konkurrencë dhe barazi.

Përveç rasteve kur numri i ofertuesve që kanë shprehur interes është më i ulët se minimumi i kërkuar.

Pak javë më parë policia hapi një tjetër tender për marrjen me qira në 134 automjeteve me vlerë rreth 5 milionë euro.

Gjysma e parave do përdoret per mjete elektrike dhe pjesa tjetër për mjete të cilat punojnë me karburant.

LEXONI GJITHASHTU

• Shqiptari që mbrojti me armë hotelin në Shkup rrezikon 5 vite burg
• Armët e bëra në shtëpi, një prej tyre vrau ish-kryeministrin japonez