Rreth 700 trupa ukrainase mbahen robër nga forcat ruse, raporton Interfax Ukraine, duke cituar zëvendëskryeministren ukrainase.

“Sa i përket ushtrisë jemi pothuajse barazim: ne kemi më shumë se 700 të burgosur të tyre, dhe ata kanë afërsisht të njëjtin numër”, tha Iryna Vereshchuk.

Politikania ukrainase tha gjithashtu se trupat e Kremlinit kishin marrë më shumë se 1000 civilë, rreth gjysma e të cilëve ishin gra, raporton Sky News.

“Fatkeqësisht ka shumë civilë tanë në robëri. Ata kapën më shumë se 1000 persona dhe për fat të keq, rreth 500 prej tyre janë gra”, shtoi Vereshchuk.

Ajo tha se Ukraina ishte e vendosur të mos shkëmbente ushtarë me civilë, diçka e ndaluar nga Konventa e Gjenevës.

“Ne nuk do të shkelim të drejtën ndërkombëtare humanitare dhe për këtë arsye kërkojmë lirimin e civilëve pa asnjë kusht dhe transferimin në anën ukrainase”, tha zv.kryeministrja.

LEXONI GJITHASHTU:

• Rusia planifikon të kufizojë hyrjen në Mariupol nga e hëna, thonë zyrtarët
• Rusia vijon të furnizojë me gaz Europën përmes Ukrainës