82% e ukrainasve kundër lëshimit territorial ndaj Rusisë, tregon sondazhi

Rreth 82% e ukrainasve besojnë se Ukraina nuk duhet të lëshojë asnjë territor si pjesë e një marrëveshjeje paqeje me Rusinë, sipas një sondazhi të ri nga një prej anketuesve kryesorë të vendit.

Shumica e të anketuarve thanë se nuk mbështesin lëshimet territoriale, edhe nëse kjo zgjat luftën dhe rrit kërcënimin ndaj pavarësisë së Ukrainës, sipas sondazhit të kryer nga Instituti Ndërkombëtar i Sociologjisë në Kiev.

Vetëm 10% e 2000 njerëzve të anketuar e panë të pranueshme që Ukraina të lëshonte territor për të arritur paqen, ndërsa 8% ishin të pavendosur.

Sipas sondazhit, 77% e ukrainasve që jetojnë në territorin e pushtuar nga Rusia kundërshtuan çdo lëshim në territor.

Qeveria ukrainase ka thënë vazhdimisht se nuk do t’i lëshojë territor ndaj Moskës në këmbim të një marrëveshjeje paqeje.

LEXONI GJITHASHTU:

• Kampioni ukrainas në boks vritet në vijën e parë të betejës
• Rusia do të fokusohet në zhvillimin e marrëdhënieve me Kinën, thotë Lavrov