850-vjetori i Kullës së Pizës, pse monumenti historik u ndërtua i pjerrët

Kulla e famshme e Pizës shënoi më 9 gusht 850 vjetorin e ndërtimit. Guri i parë i monumentit ikonik u vendos më 9 gusht 1173.

Në këtë 850 vjetor hyrje falas në të gjitha monumentet në Piazza del Duomo të Pizës, me përjashtim të Kullës e cila është duke u ndriçuar dhe do të mbyllet për arsye sigurie. Po ashtu u organizua  edhe  një koncert falas nga pianisti iranian Ramin Bahrami me pjesë të Bach, Beethoven, Mozart, Brahms dhe Chopin.Një sërë nismash janë planifikuar gjatë 12 muajve të ardhshëm për të shënuar 850 vjetorin e Kullës.

Kulla e Pjerrët e Pizës është e njohur në mbarë botën për ndërtimin e saj të vecantë.

Pjerrësia filloi gjatë ndërtimit të saj dhe ishte për shkak të themelit të pamjaftueshëm në tokë, pasi ishte shumë i butë, si rezultat i të cilit nuk mund të përballonte peshën e infrastrukturës. Në dekadat para përfundimit të ndërtimit, pjerrësia u rrit dhe vazhdoi të rritej gradualisht deri në stabilizimin e Kullës në fund të shekullit të 20-të dhe në fillim të shekullit të 21-të.

Lartësia e kullës është 55.86 metra, ndërsa ka 296 ose 294 shkallë pasi kati i shtatë ka dy më pak në anën veriore të shkallëve. Përpara punës restauruese të kryer midis viteve 1990 dhe 2001, kulla anonte në një kënd prej 5,5 gradë në krahasim me animin aktual të kullës prej afërsisht 3,97 gradë.

Gjatë Luftës së Dytë Botërore, aleatët zbuluan se gjermanët e përdornin kullën si një pikë vëzhgimi. Një rreshter i ushtrisë amerikane i dërguar për të konfirmuar praninë e trupave gjermane në kullë ishte i impresionuar nga bukuria e katedrales dhe kambanores së saj dhe për këtë arsye nuk urdhëroi një sulm, duke e shpëtuar këtë perlë arkitekturore nga shkatërrimi. Kulla e Pizës si dhe ndërtesat fqinje si Katedralja, dhe Varrezat janë përfshirë në Listën  e Trashëgimisë Botërore nën kujdesin e UNESCO-s.Pas një dekade përpjekjesh rindërtimi dhe stabilizimi, kulla u shpall sërish e hapur më 15 dhjetor 2001 dhe u shpall e qëndrueshme për të paktën 300 vjet të tjerë.