Dialogu Kosovë-Serbi nuk ka qenë asnjëherë teknik, thotë profesori Hajrullahu

“Dialogu Kosovë-Serbi nuk ka qenë asnjëherë teknik”. Kështu u shpreh për Euronews Albania profesori i shkencave politike, Arben Hajrullahu, teksa shtoi se edhe çështja e personave të pagjetur është politizuar dhe përdorur për një kohë të gjatë.

Ai komentoi vizitën e radhës të Miroslav Lajçak në Kosovë, ku u shpreh se është një vizitë në bazë të përgatitjes të asaj njihet si dialog që ka nisur prej shumë kohësh.

Profesori theksoi se tashmë BE-ja është pjesë e problemit dhe jo pjesë e zgjidhjes së çështjeve mes Kosovës dhe Serbisë.

“Vetëm BE është bërë një pjesë e problemit dhe jo një pjesë e zgjidhjes, për shkak të përçarjes dhe mos-unitetit, i cili ekziston brenda BE-së”, tha ai.

I dërguari special i BE-së për dialogun Kosovë-Serbi, Miroslav Lajçak, mbërrin sot në Kosovë.

Ora e takimeve të tij me zyrtarët më të lartë kosovarë nuk tregohet, por burime për Euronews Albania deklarojnë se sot do të ketë takim vetëm me kryeministrin Albin Kurti.

Të enjten, Lajçak do të ketë takime me kryetarin e Kuvendit të Kosovës, Glauk Konjufca si dhe me kryetarët e partive parlamentare.

LEXONI GJITHASHTU:

• Qeveritë e Kosovës dhe RMV-së mblidhen nesër në Shkup
• Lajçak vizitë 3-ditore në Kosovë, takime me përfaqësues të politikës, biznesit dhe mediave
• Dialogu Kosovë-Serbi nuk ka qenë asnjëherë teknik, thotë profesori Hajrullahu