Lajçak pas takimin me Kurtin: U fol për dialogun, në fund të vizitës do të bëj deklarata politike

I dërguari special i BE-së për dialogun Kosovë-Serbi, Miroslav Lajçak, pas takimin të tij me kryeministrin e Kosovës Albin Kurti deklaroi se nuk do të bëjë deklarata politike deri në përfundim të vizitës së tij tre-ditore në Kosovë.

“E e dini që kam një vizitë tre-ditore, takime me palë të ndryshme dhe do t’ju jap përgjigjen pasi të përfundojnë, sepse sapo kam filluar. Tani do të takoj zoti Bislimin, për të vazhduar diskutimet më në detaje”, u shpreh Lajçak.

Miroslav Lajçak tha se gjatë takimit me z. Kurti tema më e rëndësishme e bisedës ishte dialogu Kosovë-Serbi, por është diskutuar edhe mbi të ardhmen e Kosovës dhe bashkëpunimin rajonal.

Lajçak nuk dha një datë për takimin e ardhshëm mes kryeministrit Kurti dhe presidentit serb Vuçiç, por tha se po punohet në atë drejtim.

LEXONI GJITHASHTU:

• Lajçak vizitë 3-ditore në Kosovë, takime me përfaqësues të politikës, biznesit dhe mediave