Vuçiç i përgjigjet Kurtit: Mos më detyroni të marr masa, do preket i gjithë rajoni

Presidenti i Serbisë, Aleksandër Vuçiç në një konferencë për mediat e ka cilësuar vendosjen e reciprocitetit nga ana e Kosovës për targat si “veprim ilegal”.

Ai tha se e hëna ishte një nga ditët më të vështira për serbët në Kosovë duke shtuar se  Prishtina nuk po plotëson detyrimet që ka nga marrëveshjet me Beogradin.

Ndaj shtoi Vuçiç, e shikon pa kuptim vazhdimin e dialogut me Kosovën dhe nga ana tjetër paralajmësoi se mund të marrë masa reciproke.

“Shpresoj të mos na duhet të marrim masat tona, ekonomike dhe politike sepse nuk do të ishin të mira për të gjithë rajonin, sidomos për marrëdhëniet tona me Prishtinën”, tha ai duke i bërë thirrje KFOR-it dhe NATO-s që të reagojnë.

Sipas presidentit serb dy vendet kanë marrëveshje për targat dhe kjo gjë nuk duhej të bëhej të paktën deri në fund të 2021.

“Nuk do të hesht më, do t’i tregoj kujtdo çdo ditë se si po shkelin të gjithë rregullat”, tha ai.

Sipas Vuçiçit ishte e turpshme që Kosova dërgoi forcat speciale kundër serbëve të thjesht ndërsa e cilësoi si “qesharak” qëndrimin e mbajtur nga EULEX.

“Thanë që do të ndërhynin nëse do ta kërkonte policia e Kosovës”, deklaroi presidenti serb.

LEXONI GJITHASHTU:

• Albin Kurti: Targat s’janë dëshirë e jona, por imponim nga pala tjetër
• Çfarë është ‘reciprociteti për targat’ aplikuar sot nga Kosova?
• A pritet që Kosova të aplikojë masa të tjera ndaj Serbisë? Përgjigjet Haki Abazi