Petar Petkoviç për ‘reciprocitetin e targave’: Populli serb nuk do rrijë i heshtur

Petar Petkoviç drejtor i të ashtuquajturës Zyra Serbe për Kosovën ka reaguar pas vendimit të qeverisë së Kosovës për ndryshimin e targave në kufi.

“Reciprociteti për targat” është kthyer në një çështje të tensionuar, ndërsa vetë Petkoviç ka thënë se populli serb nuk do rrijë i heshtur ndaj këtij vendimi.

“Kjo po dëmton jetën në veri të Kosovës, sepse këto janë vetura, që përveç të tjerash, transportojnë pacientët tanë, transportojnë fëmijë, dhe gjëra bazike ushqimore,” – deklaroi shefi i të ashtuquajturës Zyra Serbe për Kosovën.

Nga ana tjetër Kurti tha se reciprociteti “u imponua” nga Serbia, duke qenë se nuk e njeh pavarësinë e Kosovës dhe për rrjedhojë nuk njeh as targat e saj.

Përballë kësaj situate BE ka kërkuar përmbajtje dhe ulje të tensioneve, teksa ka angazhuar të dërguarin e posaçëm për dialogun, Miroslav Lajçak, që të ndërmjetësojë zgjidhje.

Të hënën qeveria e Kosovës bëri me dije se të gjitha automjetet që mbajnë targa të Serbisë dhe hyjnë në Kosovë duhet të pajisen me targa të përkohshme, diçka që mund të bëhet në të gjitha pikat kufitare të Kosovës.

LEXONI GJITHASHTU: 

• Vuçiç reagon për reciprocitetin e targave me Kosovën
• Targat serbe, Haxhiu: Albin Kurti ka punuar kundër vetes së vet. Bushati: Edhe humbja do e nxjerrë të fituar
• Bllokimi i targave irriton qytetarët serbë: Këto masa dëmtojnë popullin jo qeveritë