Reciprociteti për targat, ministri Sveçla: Situata paraqitet e qetë

Që prej vendimit të qeverisë së Kosovës, për zbatimin e reciprocitetit në kufi mbi targat e përkohshme, forcat e policisë në kufi janë shtuar në mënyrë të ndjeshme.

Mjete të blinduara dhe forca speciale janë stacionuar në doganë, që pas protestës së djeshme të qytetarëve serbë. Sipas ministrit të Brendshëm, Xhelal Sveçla, situata është nën kontroll.

“Gjendja e sigurisë është e qetë dhe Policia e Kosovës të gjithat masat e nevojshme që të mos pengojnë dhe vonojnë lëvizjen e njerëzve dhe mallrave. Ky vendim është legjitim”, u shpreh ministri.

Një ditë më parë, ishin me dhjetëra automjete që u kthyen në kufi, pasi nuk pranuan të paguanin 5 euro për të hequr targat serbe dhe të vendosnin targat e përkohshme.

Të shumtë ishin edhe pasagjerët e autobusëve që u detyruan të vazhdonin në këmbë.

Po sipas ministrit Sveçla, kjo masa e marrë, nuk ka për qëllim të pengojë lëvizjen e lirë të qytetarëve serbë.

LEXONI GJITHASHTU:

• Petar Petkoviç për ‘reciprocitetin e targave’: Populli serb nuk do rrijë i heshtur
• Vuçiç reagon për reciprocitetin e targave me Kosovën
• Lista Serbe në Kosovë e shqetësuar për targat: Kërcënim i drejtpërdrejtë, Vuçiç të reagojë