Ulen pagat në Premier League, futbollistët do paguhen 30% për 12 muaj

Sindikata e Futbollistëve në Angli ka njoftuar se është arritur një marrëveshje me federatën që skuadrave të Premier League t’iu reduktohen pagat me 30%.

Në njoftimin zyrtar theksohet se do iu jepet prioritet pagave të pjesëtarëve të klubit, në mënyrë që ata të marrin rrogat e plota dhe të mos kenë problem gjatë kësaj periudhe mjaft të vështirë.

Sindikata ka treguar gatishmërinë e saj për të ndihmuar Premier League në këtë situatë të pazakontë. Nëse ndërprerja e kampionatit do të shkojë në një periudhë më të largët se qershori, atëherë situata financiare e klubeve mund të pësojë një krizë, ndaj është gjetur mirëkuptimi i sportistëve, që janë pajtuar me uljen e pagave.

Në kampionatin anglez kanë mbetur dhe 9 javë, por ende nuk ka një datë se kur mund të rikthehet aktiviteti. Gjithçka do të varet nga situata me COVID-19.