Dhimbje në familjen e trajnerit të Mançester City-t, Pep Guardiola humb nënën për shkak të COVID-19

Nëna e trajnerit të Mançester City-t, Pep Guardiolës, ka ndërruar jetë këtë të hënë, pasi rezultoi pozitive në testin për COVID-19. 82-vjecarja nuk ka mundur që të fitojë betejën me coronavirusin, teksa pati komplikacione këtë të hënë dhe mjekët e patën të pamundur që ta shpëtonin.

Njoftimi është dhënë nga faqja e kampionëve të Anglisë, që shprehu ngushëllimet për familjen e Guardiolës. Një javë më herët, Guardiola dhuroi 1 milionë euro, për të ndihmuar në luftën kundër COVID-19.

Situata në Spanjë nuk është aspak e mirë, pasi është kthyer në një nga vatrat kryesore në Europë, ku në ditët e fundit janë regjistruar një numër shumë i madh të infektuarish, por dhe viktimash. Spanja është vendi i dytë pas Amerikës me numrin më të lartë të të infektuarve në të gjithë botën.