Champions League, Kante me COVID-19, nuk luan kundër Juventusit

Chelsea do të duhet të luajë pa mesfushorin francez N’Golo Kante në përballjen kundër Juventusit në UEFA Champions League.

Futbollisti ka rezultuar pozitiv me COVID-19 dhe do të duhet të vihet në izolim për të paktën 10 ditë.

Kështu Kante nuk do të grumbullohet jo vetëm për ndeshjen e së mërkurës, por edhe ndaj Southamptonit të shtunën dhe ndeshjet me kombëtaren e Francës në javën e parë të tetorit.

Trajneri i Chelsea-it, Thomas Tuchel tha se kjo ishte një mungesë e rëndësishme për skuadrën e tij. Përballë pyetjes se sa pjesëtarë të skuadrës janë vaksinuar për COVID-19, Tuchel tha se nuk e kishte të qartë numrin total.

Gjithsesi gjermani këmbënguli se vaksinimi është me zgjedhje dhe për sa kohë është i tillë nuk mund të analizohet me kritika kjo gjë.

Ndaj Juventusit, Chelsea do të jetë gjithashtu pa Reece James, Christian Pulisic dhe Mason Mount.

James u lëndua kundër Manchester City-it të shtunën, teksa Mount dhe Pulisic mungojnë prej lëndimesh të gjata.

Chelsea e Juventus ndodhen në Gupin H të UEFA Champions League. Ata fituan ndeshjet e para ndaj Zenit dhe Malmo.