Dorëhiqet kreu i BE-së për shkencën, i zhgënjyer nga blloku për COVID-19

BE ka pohuar se kreu organizatës shkencore të bllokut ka dhënë dorëheqjen, i stresuar nga kriza e lartë e COVID-19.

Mauro Ferrari ishte bërë president i Këshillit Europian të Kërkimeve më 1 janar, por zëdhënësi i Komisionit Europian, Johannes Bahrke, tha profesori tashmë ka dhënë dorëheqjen.

Ferrari ka hënë për “Financial Times” se kishte qenë shumë i zhgënjyer nga përgjigjja që kishte dhënë BE-ja ndaj pandemisë.

Ai u ankua se programi shkencor që duhej të ngrihej menjëherë, për t’i bërë ballë virusit, kishte hasur pengesa të shumta politike dhe institucionale.

“Kam parë mjaftueshëm nga drejtuesit e shkencës si dhe nga veprimet politike të BE-së”, shkroi ai. “E kam humbur besimin te vetë sistemi.”

Dorëheqja e papritur dhe kritikat i kanë shtuar presion institucioneve të BE-së, të cilat u akuzuan se nuk kanë bashkëpunuar në betejën kundër pandemisë botërore.