Italia shtyn masat kufizuese, izolimi deri më 3 maj, disa biznese nisin aktivitetin më 13 prill

Kryeministri i Italisë, Giuseppe Conte deklaroi se qeveria ka vendosur të zgjasë afatin e izolimit në mbarë vendin deri më 3 maj, edhe pse disa biznese do të lejohen të rihapin dyert e tyre më datë 13 prill.

“Ky është një vendim i vështirë por i domosdoshëm, për të cilin unë do të marrë përsipër të gjitha përgjegjësitë politike” tha Kryeministri Conte në një konferencë për shtyp.

“Shenjat e kurbës epidemiologjike janë një shenjë inkurajuese, masat e kontrollit janë duke dhënë frytet e tyre. Por pavarësisht kësaj, ne nuk duhet të rrezikojnë, duke çuar në rritjen e numrit të viktimave. Përpjekjet e bëra deri tani, nuk mund të dështojnë .

Ai njoftoi se bizneset që mund të rinisin aktivitetin e tyre tregtar ishin libraritë, dyqanet e veshjeve, lavanderitë dhe disa aktivitete të tjera prodhuese.

Conte pati edhe disa vërejtje për marrëveshjen e arritur më 9 prill mes ministrave të financave të zonës euro për paketën ekonomike për të ndihmuar vendet e bllokut duke u shprehur se ajo ishte “ende e pamjaftueshme”. 

Italia përpiqet të mbajë nën kontroll pandeminë e COVID-19 e cila ka rezultuar fatale për vendin i cili aktualisht ka numrin më të lartë të viktimave në botë. Në spitale vijojnë përpjekjet titanike të mjekëve për përmirësimin e gjendjes të mijëra të sëmurëve. përfaqësues të kishës katolike në ditën që përkujton kryqëzimin e Jezu Krishtit nuk harruan mjekët, duke dërguar para spitalit “San Xhovani” një kryq për tË bekuar stafin mjekësor