‘Mos e lini votën në shtëpi’, Haradinaj apel qytetarëve të marrin pjesë në zgjedhje

Ish-kryeministri i Kosovës, njëherësh kryetari i Aleancës për Ardhmërinë e Kosovës, Ramush Haradinaj ka votuar sot në qendrën e votimit në shkollën e mesme të mjekësisë “Ali Sokoli” në Prishtinë.

Pas votimit Haradinaj ftoi qytetarët që të shfrytëzojnë të drejtën e tyre për të votuar.

I shoqëruar nga bashkëshortja e tij, Haradinaj tha se qeverisja lokale ka një rëndësi të posaçme për jetën e qytetarëve.

“Të gjithë shfrytëzoni të drejtën për të votuar, edhe unë votova. Qeverisja komunale është mjaft e rëndësishme për jetën tuaj, për jetën e qytetarëve në të gjitha drejtimet. Ju ftoj, vendosni për veten, mos e lini votën në shpi”, tha Haradinaj.