BE mund të vendosë sanksione ndaj linjës ajrore të Bjellorusisë për krizën e emigrantëve

Ministrat e jashtëm të BE-së po shqyrtojnë sanksione të mundshme kundër linjës ajrore kombëtare të Bjellorusisë mbi akuzat se po transporton emigrantë nga Iraku në mënyrë që të udhëtojnë drejt vendeve të bllokut.

Disa ministra duan të ndalojnë kompanitë e regjistruara në BE që të japin me qira avionë për kompaninë ajrore kombëtare të vendit, “Belavia”.

Duke folur para takimit në Luksemburg të hënën, ministri i jashtëm i Lituanisë, Gabrielius Landsbergis tha: “Ne duhet të gjejmë mënyra se si të ndalojmë fluturimet në Bjellorusi, në aeroportin e Minskut dhe sanksionet në Belavia”.

“Diçka tjetër është dërgimi i një mesazhi për linjat ajrore që tani po sjellin njerëz nga çdo vend tjetër në Bjellorusi dhe i sjellin ata me synimin për të emigruar. Ne po i shohim ata dhe kjo nuk është në rregull”, shtoi ai.

Irlanda është qendra e BE-së për dhënien me qira të avionëve dhe disa firma irlandeze po vazhdojnë të japin me qira avionë për Bjellorusinë, të cilat përdoren për të transferuar emigrantët në kufijtë e BE -së.

Simon Coveney, ministri i jashtëm irlandez, tha se vendi i tij është në favor të sanksioneve, por vetëm nëse ato zbatohen për kontratat e ardhshme të qirasë, jo ato ekzistuese.

Ndërkohë, situata humanitare në kufi vazhdon të përkeqësohet, me shtatë emigrantë që dihet se kanë vdekur në kufirin e BE-së me Bjellorusinë.

LEXONI GJITHASHTU:

• BE ka eksportuar mbi 1 miliardë vaksina anti-COVID, thotë von der Leyen
• Facebook planifikon të punësojë 10.000 punëtorë në BE për realitetin virtual
• Të Gjelbrit pro koalicionit qeverisës me SPD dhe FDP, mbështesin nisjen e bisedimeve