‘Të rritet siguria’, ish-menaxherja e Facebook kërkon largimin e Zuckerberg

Ish-menaxherja e Facebook, Frances Haugen ka bërë thirrje që ish-shefi i saj, Mark Zuckerberg, të largohet dhe të lejojë që kompania të ndryshojë.

“Unë mendoj se nuk ka gjasa që kompania të ndryshojë nëse Mark Zuckerberg mbetet drejtues”, tha Haugen të hënën gjatë hapjes së konferencës së teknologjisë “Web Summit” në Lisbonë.

E pyetur nëse Zuckerberg duhet të japë dorëheqjen, Haugen tha se ajo beson se ai duhet të japë dorëheqjen.

“Ndoshta është një shans që dikush tjetër të marrë frenat. Facebook do të ishte më i fortë me dikë që ishte i gatshëm të fokusohej në sigurinë”, shtoi ajo.

Haugen, një ish-menaxhere projekti në kompani, në tetor publikoi raporte të brendshme të Facebook për ndikimin e dëmshëm të shërbimeve të veta.

Rrjeti i mediave sociale, i cili operon një strukturë aksionesh të dyfishtë përmes së cilës Zuckerberg dhe një grup i vogël investitorësh kontrollojnë kompaninë, është kundërpërgjigjur duke thënë se dokumentet e zbuluara nga Haugen po përdoren për të paraqitur një pamje të rreme.

Rrjeti social, me afro 3 miliardë përdorues, ndryshoi emrin e tij në Meta javën e kaluar, në një riemërtim që fokusohet në ndërtimin e “metaverse”, një mjedis virtual i përbashkët.

LEXONI GJITHASHTU:

• Facebook ndryshon emrin në Meta – çfarë qëndron prapa emërtimit të ri?
• Meta do të jetë emërtimi i ri i Facebook, njofton Mark Zuckerberg