Ndeshjet ndaj Anglisë dhe Andorrës, Reja: Jemi ende në lojë, do bëjmë maksimumin në ‘Wembley’

Ekipi i Kombëtares do të ndeshet më 12 nëntor me Anglinë dhe më 15 nëntor me Andorrën për kualifikueset e Botërorit Katar 2022.

Trajneri i Kombëtares, Edi Reja thotë se kuqezinjtë do japin maksimumin në këto dy ndeshje edhe pse vendi i dytë është diçka thuajse e pamundur.

“Jemi ende në lojë derisa matematika të na e lejojë, do të luajmë deri në fund, do të shkojmë në Angli për të marrë maksimumin dhe rezultat.

Edhe pse ndeshja është e vështirë, ne jemi në gjendje të mirë psikologjike, do të shkojmë në ‘Wembley’ që të luajmë me të gjitha mundësitë tona”, tha trajneri i Kombëtares.